Etxebizitza babestuak trukatzeko poltsa

Jabetza-araubideko edo azalera-eskubideko etxebizitza babestu gisa kalifikatutako etxebizitza bat baduzu eta arrazoi pertsonalengatik, lan-arrazoiengatik edo, besterik gabe, espazio-arrazoiengatik etxez aldatu nahi baduzu, Babes Publikoko Etxebizitzak Trukatzeko Poltsak aukera ematen dizu etxebizitza babestu baten jabe den eta bere etxebizitza zurearekin trukatzeko prest egon daitekeen beste pertsona bat aurkitzeko.

BPEak trukatzeko poltsa

Atal hau lehenengo aldiz bisitatzen baduzu eta eskaintzan eta eskaeran dauden BPEen zerrenda kontsultatu nahi baduzu Truke Poltsan eskaintzen denari buruzko ideia bat egin ahal izateko, bertara gonbidatu gisa sar zaitezke eta nahi duzun kontsulta egin dezakezu Etxebizitzen Bilatzailean.

Kontsulta egin ondoren, tresna horretan parte hartu nahi duzula uste baduzu, inprimaki sinple bat bete beharko duzu alta emateko, baldin eta etxebizitza babestu gisa kalifikatutako etxebizitza bat baduzu, jabetza-araubidean edo azalera-eskubidean esleitua, Euskal Autonomia Erkidegoan kokatua.

Eremu pribatuan, truke posible baterako eskaintzen diren etxebizitzen ezaugarrien fitxa xehatua ezagutu ahal izango duzu, baita eskaintzaileen datuak ere, haiekin zuzenean harremanetan jarri ahal izateko eta, aldi berean, haiek zurekin harremanetan jarri ahal izateko, zure BPEa interesatzen bazaie.

Kontuan izan behar duzue etxebizitza bakoitza etxebizitzaren eta eranskinen metro koadroen arabera baloratuko dela, eta bi etxebizitzek balio bera ez badute, balio txikiagoko etxebizitza ematen duenak aldea ordaindu beharko dio beste jabeari; eragiketa horri "Konpentsazioa" esaten zaio.

Akordio bat lortu ondoren, sinatu duzuen kontratu pribatua aurkeztu beharko duzue Eusko Jaurlaritzan, prozesua behar bezala egin dela egiazta dezan eta kontratuari oniritzia eman diezaion.

Kontratuari oniritzia eman ondoren, etxebizitzaren trukearen eskritura publikoa egin ahal izango duzue, akordio pribatuaren baldintzak arazorik gabe errespetatuz.

Sartu Alta eman

Poltsan alta ematea

Truke-poltsan alta emateko, bete hurrengo inprimakia. Bertan, trukatu nahi duzun etxebizitzari buruzko informazioa eman beharko duzu, bertan agertzen diren laukitxoak betez.

Era berean, inprimaki horretan erabiltzaile-izen bat eta pasahitz edo sarbide-kode bat emateko eskatuko zaizu. Ondoren, pasahitz edo kode hori erabili beharko duzu etxebizitza-eskaintzaileentzat eta -eskatzaileentzat erreserbatutako eremu pribatuan sartu ahal izateko.

Erabiltzailearen izena eta pasahitza zuk aukeratzen dituzun eta letrez eta zenbakiz osatuta egon daitezkeen horiek izango dira; hala ere, erraz gogoratzeko moduko termino edo zenbakiren bat izatea gomendatzen dizugu.

Inprimakia jaso, aztertu eta behar bezala beteta dagoela egiaztatuko dugu. Mezu elektroniko bat jasoko duzu, BPEak Trukatzeko Poltsaren datu-basean sartuko zarela baieztatzeko. Ez da prozesu luzea, baina baliteke egun batzuk behar izatea.

Jarraitu truke-prozesua

BPEak Trukatzeko Poltsan alta eman baduzu, erabiltzaile-izena eta pasahitza baino ez dituzu sartu beharko, etxebizitza trukatzeko eskaintzen eta eskaeren arteko jarduera egiaztatzeko. Sartu

Hala ere, lan-poltsan sartzeko aukeratu duzun pasahitza ahaztu bazaizu, ez kezkatu; izan ere, inprimaki honetan zure helbide elektronikoa adierazi eta "berreskuratu pasahitza" aukera klik egin besterik ez duzu egin beharko, zure pasahitza posta elektronikoz bidal diezazugun. Berreskuratu pasahitza

Sartzeko gakoak gogoratzen ez badira eta gakoak berreskuratzeko posta elektronikoko kontuan sartu ezin bada, beharrezkoa da poltsaren erabiltzailea aurrez aurre identifikatzea, Zuzenean zerbitzuaren edozein bulegotara joanez, astelehenetik ostiralera, Vitoria-Gasteizen, Bilbon eta Donostian, 08:00etatik 19:30era (abuztuan, 14:30era).

Alta-eskaeran ematen diguzun daturen bat aldatu nahi baduzu, gure webguneko etxebizitzaren harremanetarako postontziaren bidez egin dezakezu aldaketa-eskaera. Aldaketa egin ahal izateko, identifikatu egin behar duzu eta Truke Poltsan sartzeko erabiltzailea eta pasahitza eman behar dizkiguzu.

Zure etxebizitzari Elkartrukatzeko Poltsatik baja emateko, eskaera bat bidal dezakezu etxebizitzaren harremanetarako postontziaren bidez (“jarri gurekin harremanetan” atalean dago), honako datu hauek emanez:

Datu pertsonalak: izena, abizenak eta helbide elektronikoa
Gaia: ETXEBIDEren web-trukerako poltsari baja ematea.
Testua: adierazi behar duzu Truke Poltsan baja emateko eskatu nahi duzula, eta, gainera, NAN zenbakia (edo baliokidea) eta Poltsan sartzeko erabiltzailea eta pasahitza sartu behar dituzu.