Vitoria-Gasteizko udalerrian erregimen tasatu autonomiko 42 etxebizitza eraiki behar ditu jabetzan CREATIVE HOME S.L. sustatzaileak.
2012ko urriaren 15eko Aginduko IV Kapituluari jarraiki Arabako Lurralde Ordezkaritzak sustapen horren esleipenean parte hartzeko izena eman duten erosketako etxebizitza eskatzaileen zerrenda bat helaraziko dio sustatzaileari.
Hori dela eta, Etxebiden Araba Erdialdeko Eremu Funtzionalean* etxebizitza erosteko eskaria egin baduzu eta etxebizitza horietako esleipen prozeduran parte hartu nahi baduzu espresuki adierazi beharko duzu, 2026ko urtarrilaren 20a eta otsailaren 17a bitarteko epean (biak barne) aurkeztu beharreko idatzi baten bidez. Soilik parte hartu ahal izango dute eskaerak aurkezteko epea hasten denean Etxebideko erregistroan alta egoeran daudenak.
2026ko otsailaren 26ean web gune honetan eta Eusko Jaurlaritzako taula elektronikoan argitaratuko dira sustatzaileak notario aurrean egingo duen zozketan parte hartuko duten pertsonen zerrenda, baita parte hartuko ez duten pertsonen eta horrela gertatzeko arrazoien zerrenda ere. Halaber, zerrendei erreklamazioak aurkezteko epea zein izango den zehaztuko da.
- Eskuratze erregimena: Erosketa – Jabetza osoa
- Araubidea: Erregimen autonomiko etxebizitza tasatuak
- Sustatzailea: Pribatua – CREATIVE HOME S.L.
- Etxebizitza kopurua: 42
- Horietako:
- 19 etxebizitza: 3 logela eta 2 bainugelakoak (90,00m2 erabilgarri)
- 14 etxebizitza: 2 logela eta 2 bainugelakoak (65,75 m2 erabilgarri)
- 7 etxebizitza: logela eta bainugela 1ekoak (49,80m2 erabilgarri)
- 2 etxebizitza egokitu: 2 logela eta bainugela 1ekoa (90m2 erabilgarri)
- Kokapena: RD13 lursaila (5 sektorea) – Aldaia (Vitoria-Gasteiz)
- Etxebizitzen prezioa (BEZik gabe):
- Etxebizitza + azalera txikien eranskinak: 205.577 €
- Etxebizitza + azalera handien eranskinak: 323.688 €
- Etxebizitza egokitua: 322.862 €
Esleipen prozeduran parte hartzea eskatzen baduzu, eta etxebizitza bat esleitzen bazaizu, esleipenari uko eginez gero Etxebideko Erregistroan baja izango zara eta urtebetez inskribatzeko debekua izango duzu. Esleipen prozeduran parte hartzen ez baduzu, horrek ez du inolako eraginik izango zure Etxebideko espedientean.
Informazio gehiago eskuratzeko:
CREATIVE HOME S.L.
Dato kalea, 37-behe.eskubia, 01005 Vitoria-Gasteiz
Telefonoa: 945 156 555
Posta elektronikoa: info@vivantis.es
*Araba Erdialdeko Eremu Funtzionala: Agurain, Añana, Armiñon, Arraia-Maeztu, Arratzua-Ubarrundia, Asparrena, Barrundia, Berantevilla, Bernedo, Burgelu, Donemiliaga, Alegría-Dulantzi, Erriberagoitia, Erriberabeitia, Vitoria-Gasteiz, Gaubea, Harana, Iruña Oka, Iruraiz-Gauna, Kanpezu, Kuartango, Lagran, Lantaron, Legutio, Otxandio, Urkabustaiz, Ubide, Urizaharra, Zalduondo, Zanbrana, Zigoitia eta Zuia.
Izena eman dezakezu:
1. www.etxebide.euskadi.eus/espedientea web gunean - Sustapenak atalean.
Izena emateko erabili ditzakezu:
- BakQ.
- Baliozko ziurtagiri elektronikoa (NANa, Izenpe…).
Web gunean topatuko duzu izena emateko behar duzun laguntza.
2. Aurrez aurre:
ZUZENEAN Herritarrentzako Zerbitzuan, aurrez hitzordua eskatuta: Ramiro de Maeztu 10, behea, VITORIA-GASTEIZ
Aurretiko hitzorduaren xehetasuna
Aurretiko hitzordua eska daiteke honako hauetan:
- www.euskadi.eus/hitzordua-zuzenean-en
- 945 019 000 telefonoaren bidez
Hitzorduak 15 minutuko tarteetan eskainiko dira (ezarritako orduan bulegoko harrera-mahaian aurkeztu beharko duzu).
Oharrak:
Puntualtasuna eskatzen da, hitzordua ez galtzeko.
Bulegora joaten denak bere burua identifikatu beharko du horretarako prestatutako kioskoan, hitzordua hartzean eman zitzaion kodearen bidez.