2026ko abuztuaren 10ean argitaratu da AGINDUA, uztailaren 23koa, Etxebizitza eta Hiri Agendako sailburuarena, zeinaren bidez hasiera ematen baitzaio Eltziego udalerrian araubide orokorreko babes ofizialeko 14 etxebizitza errentamenduan adjudikatzeko prozedurari. 
14 etxebizitzak ondorengo ezaugarriak/kupoak dituzte:
|
Logela kopurua |
Etxebizitza kopurua |
Azalera minimoa |
Azalera maximoa |
|
2 |
10 |
63,74 m² |
68,15 m² |
|
1 |
3 |
50,11 m² |
50,11 m² |
|
2 |
*1 |
89,50 m² |
89,50 m² |
*Etxebizitza egokitua
|
Kupoa: Mugikortasun urri iraunkorra |
Kupoa: Eskubide subjetiboa |
Kupoa: 36 urtetik beherakoak |
Kupoa: Behar berezia |
Kupoa: Orokorra |
|
1 etxebizitza (%100) |
1 etxebizitza (%7,69) |
6 etxebizitza (%46,16) |
1 etxebizitza (%7,69) |
5 etxebizitza (%38,46) |
Esleipen-prozeduran parte hartu ahal izateko, ondoko baldintzak bete behar dituzu, hasiera Agindua argitaratzen den datan:
Errolda: Agindu hau argitaratzen den egunean, titularretako batek behintzat Euskal Autonomia Erkidegoan erroldatuta egon beharko du, gutxienez, hiru urteko antzinatasunarekin.
Horrez gain, Agindu hau argitaratzen den egunean, titularretako batek behintzat erroldatuta egon beharko du, Eltziego udalerrrian edo Arabako Errioxako eremu funtzionala osatzen duten udalerrietako edozeinetan (Bastida, Bilar, Eltziego, Eskuernaga, Iekora, Kripan, Laguardia, Lantziego, Lapuebla de Labarca, Leza, Mañueta, Moreda Araba, Navaridas, Oyon-Oion, Samaniego). Mugikortasun urriko kupoan parte hartzen duten pertsonek zein emakumeen kontrako indarkeria matxisten biktima direnek ez dute zertan bete azken errolda-baldintza hau, parte hartu ahal izateko.
Adjudikazio-prozeduran lehentasuna izango dute Agindu hau argitaratzen den egunean Eltziego udalerrian erroldatuta dauden eta Agindu honetan ezarritako betekizunak betetzen dituzten eskatzaileek. Pertsona horiei etxebizitzak adjudikatu ondoren etxebizitzaren bat hutsik geratzen bada, etxebizitza horiek Arabako Errioxako eremu funtzionala osatzen duten udalerrietan erroldatutako Eltziegoko eskatzaileen artean adjudikatuko dira, baldin eta ezarritako betekizunak betetzen badituzte.
Etxebideko eskaera: Etxebizitza babestuen eta zuzkidura-bizitokien eskatzaileen erregistroan alta emanda egotea alokairuko eskatzaile gisa, Eltziegoko udalerrian. Mugikortasun murriztua duten pertsonek parte hartu ahal izango dute edozein dela eskaera-udalerria.
Diru-sarrerak: 2025. urteko zergaldiko diru-sarrera haztatuak ezin dira izan 9.000 euro baino txikiagoak eta 46.463,29 euro baino handiagoak. Mugikortasun murriztua duten desgaituek, desgaitu psikikoek edo emakumeen kontrako indarkeria matxisten biktimek ez dituzte gutxieneko diru-sarrerak egiaztatu beharko. Etxebizitzarako eskubide subjektiboa aitortuta duten pertsonek ere ez dituzte diru-sarrerak egiaztatu beharko. Diru-sarrera konputagarrien hartzailetzat joko dira gaitasuna judizialki aldatu ez zaien eta bizikidetza-unitatearen parte diren adin nagusiko pertsona guztiak.
Bizikidetza-unitatearen tamaina: Bizikidetza unitateak ez izatea 4 kide baino gehiago.
Esleipen prozedura honetan parte hartu nahi baduzu, 2026ko abuztuaren 11tik irailaren 11ra bitartean (biak barne) izena eman behar duzu. Garrantzitsua da aipatu diren data hauen artean ematea izena (eta ez arinago). Informazio osoa www.etxebide.euskadi.eus web gunean ere topatuko duzu.
Baldintzak betetzen badituzu, izen-ematea ondoko bide hauetako baten bidez egin dezakezu:
- Telematikoki: http://www.etxebide.euskadi.eus web-gunearen bidez.
- Aurrez aurre: Zuzenean-en (aurrez hitzordua hartuta), Ramiro de Maeztu kalea 10, 01008 Vitoria-Gasteiz.
- Postaz: Arabako Etxebizitzako Lurralde Ordezkaritzan, Samaniego kalea 2, 1. solairua. 01008 Vitoria-Gasteiz. Posta administratiboa erabiltzea gomendatzen da.
Oharra:
Esleipen prozedura honetan parte hartzeko baldintzak betetzen duten guztiek mail edo gutun bat jasoko dute (hautatu duzun komunikazio bidearen arabera), gutun edo maila horretan izena emateko datu guztiak izango dituzu.
Gogoan izan esleipen prozeduran parte hartzeko baldintzak betetzen ez badituzu, izena emango bazenu, prozeduratik baztertua izango zinatekela, baina honek ez duela Etxebiden duzun egoera aldatuko; bestetik, jakin, izena ematen ez baduzu, zure Etxebideko erregistroan ez duela inolako ondoriorik izango. Amaitzeko, esan, izena eman ondoren egokitu zaizun etxebizitza bati uko egingo bazenio, zure espedienteari baja emango zaio Etxebidetik (araudian jasotako salbuespenei izan ezik) eta urte bete itxaron beharko duzu berriro izena eman ahal izateko etxebizitza eskatzaileen erregistroan.